أكرهك وأحبك

أكرهك وأحبك ولا أبيك وأبيك


لخبطت فكري ماعرفت الحقيقـه



ماتوقعت أعشقك في يوم وأغليك

لين ماحبك أشعل بقلبي حريقه




تاهت بحوري وأنا أدور موانيك


والروح بغيابك وبعـدك غريقـه



والقلب يتبع بالمشاعر خطاويـك


ودروب غيـرك تشكـي الضيقـه



راضي بتعبك وأتحمـل بلاويـك


وماطيق غيرك ولا حتى دقيقـه



انسى اني أكون بيـوم ناسيـك


محد(ن) بعد المحبه ينسى عشيقه



يفز قلبي لاجابو الناس طاريـك


حبك قدر عمري ونورك طريقـه



أهديك كلي وانا وكلـي لمعاليـك


وأهديك كل الورد واحلى رحيقـه



من قال ماحبك ولاأبيـك وأبيـك


هذي خرابيط شاعر بحكم السليقه



ولا الحقيقه تراني مبتلـي فيـك


مثل ظامي يحتري من بل ريقـه



واخرها تذكرني ليا هلت لياليـك


انت حبيب القلب وانت صديقـه