( ضحكة على عضوه وأنكسر سني ) موقف لايفوتكم !!

كيفكم ياحلوين


انا جايب لكم موقف حصلي قبل سنة ونصف .. سالفة واقعة ....



تقول سالفتي


قبل سنه ونص كنت مسجل في منتدى .. ومستمر معاهم .. ومجتهد .. حتى اصبحت مشرف ...


يوم صرت مشرف صار كلامي مرره مؤدب مع الاعضاء راح الضحك والوناسه ..


حتى اصحابي قالو اترك الاشراف سار دمك ثقيل ..


سنتين وانا ماسك لساني ... ودي اتريق وافلها ..


وكان معاي عبود في المنتدى لايكون نسيتو عبود .. عمي الي سحبته هههههههه


المهم


هذاك اليوم .. كان عبود قاعد على الحاسب بتاعي وانا منبطح على الكنب هو يقولي مواضيع وانا اتريق على الردود وهو يكتب مايسمعه ..


وقلي خبر مؤلم .. قال .. العضوه فلانه تكسرة سنونها .. قال . ابغى اشوف قصتها الي منزلينها ... الكل يواسيها ويقولها كلام طيب !!


قصتها انها جاها انخفاض في السكر وداخت وطاحت على سنونها الاماميه وتكسرة ..


انا وعبود كانت علاقتنا معاها متوتره وانا كنت من زمان كنت اخالف كلامها في الحوار يوم اصبحت مشرف تادبت وعقلت سنتين وانا مؤدب ..


قال عبود ابغى اتريق .. قلت لا حرام البنت مسكينه .... قال وديع الله يخليك اعطينا من محشاتك الرهيبه ..


قاعد ينفخ في راسي .. ويذكر مشاكل البنت معانا ههههه


قلت تدري اكتب هذي العباره .. اتحداك يافلانه الان تاكلين التفاحه هههههههههه


كتبها وانا نسيت ..


وبعد يومين في الساعة 12.30 ظهر رحت لي الحمام الله يكرمكم لي أتوضى.. عشان اصلي الظهر ..


حطيت يدي على باب الحمام وكنت مسرح .. وزحلقت على بلاط الحمام .. حاولت اني اتفادى السقطه عن وجهي وجات الخبطه على سني آآآييي اول ماقمت حسيت بالم في سني الامام ..


رحت لي المرايه كانت الصدمه قويه .. بس الالم كان اقوى .. قعدت اصرخ في البيت مثل الحرمه اذا شافت في بيتها حرامي هههههههه


قعدت ثلاث ساعات بين صياح وندم ....... اول ماشفت سني تذكرت البنت وقصة التفاحه ههههه


ابوي دق على دكتور اسنان وقال سنك الي انكسر عطه في منديل .. اذا جيت يرجع ان شاء الله


اذن العصر وانا جيعان وعطشان الالم قوي حتى الهواء يعور سني ..


رحت لي الطبيب بنج سني وقطع عصب السن .. راح الالم وهديت الحمدلله ..


الشباب اول ماشافوني استلموني تريقه حتى اهلي معاهم .. يقلون سن وديع كسر ام السرميك ههههههههه والي قاله ماعمره تجرئ انه يواجهني يوم في تريقه ..اه يا القهر


واحد من خوالي اول ماشافني .. قال : وديع ترى انت شخصيه وسنك مكسور ..


وطرى لي بيت قريته في النت وكانه يتكلم على لسان حالي ..


يواسني وانا الميت وحالي يجبر الدمعات
يسيل من الذي فيني ويبكي وهو يواسيني


وبعد اسبوع فكيت المنتدى وجيت ارسلها وواضح الحادث الي صار لي ..


قلت انا ضحكت عليك وياليتني ماضحكت ..
وسامحيني الان أنكسر سن وما ادري وش يصير بكره يمكن افقط سنوني كلها


شكلك انتي طيبه زياده عن اللزوم ههههههههههههه


سامحيني ..


ردت علي ماتوقعت مني هذا السلوك تحسبني ولد قدوة ماتحسب فيني هياط ...


قالت لاتضحك ياخوي .. كان ردها جاف ,,


انا نسيتها وراح وقتي كله عند طبيب الاسنان..
كلفني 400ريال نص سن يوم ركبته ماصدقت ماكأن سني انكسر ..
قلت لي الدكتور يمديني اكل عليه .. قال ..... ايه


وجلست شهرين وانا سعيد اكل لحوم على سني المرحوم واكل جميع الفواكه ..


وهذاك اليوم ابوي جاب معاه مانجو عند الغدا ..


قعدت اكل مع الاهل منجا .. وقعدة امص المنجا وداخل جوووو.. وفجأه واحس بنفس الشعور الي قبل شهرين ... عرفت ان السن التوصيله فقد حياته ..


قلت يا امي ابشرك ؟؟ سني الموصل انكسر .. قالت بغضب شديد انا ماقلت لا تاكل عليه شئ ,,,


الوالده كانت مهمومه شهر حتى ركبت سني .. فديتها


جاتني حالة صمت .. المنجا في كف والسن في الكف الثاني .. والوالده تنافخ علي ...


قلت الدكتور الاهبل قال كل علييه ... اقنعت الوالده ان الذنب مو ذنبي ..


ورجعت ابتسامة المحششين هههههه .. والاقارب مستلمين تريقة حتى يوم اتصور مع الشباب ..


يقولون لي لا تبتسم ههههههه ويضحكون ههههههه


وهذ قصتي مع سني ااااه ياسني


ضحكت نص ساعه بكيت سنه ونص ههههههههه



ما اقول الا .. الله كريم


قلت سالفتي عشان انوسكم واضحكم ....


تحيااااتي لكم