طورطة سريعة بالبنان و كريما البرتقال

[ندعوك للتسجيل في المنتدى أو التعريف بنفسك لمعاينة هذا الرابط]

هاد الطورطة دازت مؤخرا فاللقاء المفتوح و جربوها بزاف ديال الاخوات و شكروها هي فعلا كتجي زوينة و خفيفة
المقادير و الطريقةكما قالتهم صاحبة الوصفة
12 ملعقة كبيرة عصير برتقال
12 ملعقة كبيرة زيت
قبصة ملح
6 معالق كبار سنيدة
2 بيضات
1 خمارة
1 فاني
9 معالق كبار دقيق
التزيين
بنانة مقطعة دوائر
مقادير لاكريم
كاس كبير عصير برتقال (ربع لتر )
3 معالق كبار سنيدة
2 معالق كبار مايزينا
الطريقة
كنديرو العصير مع الزيت و سنيدة وقبصة الملح و الفاني و البيض في الخلاط
الكهربائي و نخلطو مزيان ثم نزيدو الدقيق و الخمارة و نخلطو بالملعقة او
الضراب ثم نصب الخليط في مول مدهون بالزبدة و مرشوش بالدقيق و ندخلوه
للفران
منين تطيب الطورطة كنخرجوها و نخليوها تبرد
تحضير لاكريم
كنديرو كاس ديال عصير البرتقال في كسرونة فوق النار مع سنيدة و المايزينا
و كنخلطو مزيان و نبقاو نحركو فوق نار مهيلة حتى يعقد الخليط ثم كنديرو
الطورطة في طبق التقديم و نسرحو فوقها لاكريم ديال الليمون و نستفو فوقها
دوائر البنان و منين تبرد لاكريم ندخلو الطورطة للثلاجة و نخليوها تبرد
مزيان من الاحسن تبات فالثلاجة ثم تقدم في الغذ

انا درت بعض التعديلات عوض ماندير لاكريم عاد البنان درت العكس ستفت عليها
البنان (جوج بنانات دوائر ) و درت عليه الكريما من الفوق حيت خفت البنان
يكحال و ما شي ضروري تبرد
الطورطة غير وجدت الكريما درتها عليها و خليتهم بردو بجوج
و كذلك بالنسبة للطورطة ماتحتاجش تبات فالثلاجة خاص غير الكريما تبرد و تشد فراسها

الطريقة بالصور

[ندعوك للتسجيل في المنتدى أو التعريف بنفسك لمعاينة هذا الرابط]

بالصحة و الراحة

ممممم هاتي حتة

» طورطة روعة وبالصور كالعادة
» كيف نصلي للشيخ مسعد أنور - حلقة مميزة جدا ً و روابط مباشرة سريعة